«Հայաստանի Հանրապետության փորձագիտական կենտրոն» ՊՈԱԿ–ը, Կենտրոնում իրականացվող փորձաքննությունների ընդլայնման գործընթացը շարունակելով, սկսել է իրականացնել նաև մշակութաբանական փորձաքննություններ՝ մեկնարկը տալով կերպարվեստի ոլորտին։

Փորձաքննության առարկա կարող են հանդիսանալ գեղանկարչությունը, գծանկարը, վիմատպությունը, քանդակը, սրբապատկերը և այլն։ Մշակութաբանական փորձաքննության այս տեսակը թույլ կտա պարզել՝

• մշակութային արժեքների իսկությունը (բնօրինակ կամ կեղծ լինելը),
• գեղարվեստական նշանակությունը,
• կարևորությունը,
• անվանումը, վերնագիրը,
• հեղինակը,
• վարպետը, արտադրողը, հրատարակիչը,
• տիպը, ուղղությունը, դպրոցը,
• ստեղծման ժամանակը,
• ստեղծման վայրը,
• նյութը,
• ֆիզիկական չափսերը (երկարություն, լայնություն,բարձրություն, տրամագիծ, քաշ,հարգը)։

Մշակութաբանական փորձաքնության ընթացքում փորձագետը կկարողանա պարզել և հաճախ տրվող հարցերին տալ պատասաններ.

• արժեքի` իր տեսակի կամ տիպի մեջ առանձնահատուկ լինելը,
• արժեքի` պատմական, հնագիտական, ազգագրական, գեղարվեստական, կրոնական, մշակութաբանական, արվեստաբանական կամ գիտական հատուկ հետաքրքրություն ներկայացնելը,
• արժեքի` պատմամշակութային զարգացման վկայագիր-վավերագրի նշանակություն ունենալը,
• արժեքի` ազգային պատմամշակութային ժառանգության համար կարևոր նշանակություն ունենալը,

համաշխարհային մշակութային ժառանգության համար հետաքրքրություն ներկայացնելը։
Մշակութաբանական փորձաքննությունների բաժնում հետագայում նախատեսվում է իրականացնել նաև արվեստի այնպիսի աննախադեպ փորձաքննություն, ինչպիսին է արվեստաբանական և մշակութաբանական փորձաքննության տեսակները, իրենց հետևյալ ենթատեսակներով՝

• Կերպարվեստ
• Դեկորատիվ–կիրառական արվեստ
• Գիրք–տպագիր ժառանգություն
• Հնագիտություն
• Երաժշտական գործիքներ
• Դրամագիտություն
• Գորգ