Հարգելի այցելու

Ողջունում եմ Ձեզ  «Հայաստանի Հանրապետության փորձագիտական կենտրոն» պետական ոչ առևտրային կազմակերպության պաշտոնական կայքում: «Հայաստանի Հանրապետության փորձագիտական կենտրոն» ՊՈԱԿ-ը, իր գոյության 50 տարիների ընթացքում փոքր լաբորատորիայից վերածվել է հզոր փորձագիտական կառույցի՝ շնորհիվ ժամանակակից տեխնիկական հագեցվածության:

Կենտրոնում այսօր աշխատում են փորձառու, գիտակ, երկարամյա մասնագիտական հմտություններով պրոֆեսիոնալ մասնագետներ: ​Մեր կայքը բոլորովին նոր ձևաչափով ու կառուցվածքով է վերագործարկվում, ինչը թույլ կտա ճիշտ կողմոնորոշվել ինչպես քրեական հետապնդում և արդարություն իրականացնող մարմիններին՝ իրենց գործառույթների իրականացման ընթացքում, այնպես էլ՝ իրավաբանական ու ֆիզիկական անձանց՝ իրենց իրավունքների պաշտպանության ընթացքում փորձագիտական ծառայության հնարավորություններից լիիրավ օգտվելու հարցերում:

Կայքի պարզ և բովանդակ կառուցվածքը, թույլ կտա ծանոթանալ ՊՈԱԿ-ի կառուցվածքին, կատարվող փորձաքննությունների տեսակներին և ենթատեսակներին, ստորաբաժանմուների կողմից լուծվող փորձաքրեագիտական բնագավառի նոր մեթոդների կիրառման տեղեկատվությանը, խնդիրների շրջանակներին, փորձագետի գործունեության համար նախատեսված ՀՀ օրենսդրությանը, Փորձագիտական կենտրոնի գործառույթներին և նպատակներին:

Հետեւեք մեր կազմակերպության գործունեությանը նաեւ նորություններ բաժնում:

Տնօրեն՝ Դավիթ Ղուլյան