Հուլիսի 1-ին «Հայասատանի Հանրապետության փորձագիտական կենտրոն» ՊՈԱԿ-ի և «Ճարտարապետության և շինարարության Հայաստանի ազգային համալսարանի» միջև ստորագրվել է հուշագիր:

Փաստաթուղթը ստորագրել են  Կենտրոնի տնօրենի ժամանակավոր պաշտոնակատար Դավիթ Ղուլյանը և ՃՇՀԱՀ համալսարանի ռեկտոր՝ Եղիազար Վարդանյանը:

Կողմերը, կարևորելով գործընկերության և համագործակցության դերը ուսանողների կրթության, մասնագիտացման ոլորտում և գործարար   մակարդակում դրանց կիրառման գործընթացներում»:

Համաձայն Հուշագրի, Կողմերը ձեռք են բերել համաձայնություն և պայմանավորվածություն, ըստ  որի.

1. Կրթական ծրագրերի մշակման և իրականացման գործընթացում Համալսարանը ըստ նպատակահարմարության իր մասնագետների հետ համատեղ ներգրավում է նաև Կազմակերպության փորձառու աշխատողների և անդամների:
2. Համալսարանի կողմից ուղեգրման դեպքում կրթական ծրագրով ուսանողների ուսումնաարտադրական և գիտահետազոտական պրակտիկաները կազմակերպվում և անցկացվում են Կազմակերպությունում:
3. Համալսարանը ամփոփիչ ատեստավորման հանձնաժողովների կազմում ներգրավում է Կազմակերպության կողմից առաջադրված համապատասխան մասնագետների:

4.Համալսարանը Կազմակերպության աշխատակիցներին և անդամներին հրավիրում է իր կողմից տարբեր հարթակներում և ակումբներում կազմակերպվող բաց դասերին, սեմինարներին և քննարկումներին: Կենտրոնի տնօրեն Դավիթ Ղուլյանը բարձր է գնահատել Համալսարանի ռեկտոր Եղիազար Վարդանյանի կողմից ներկայացված համագործակցության ձևաչափը  և հույս հայտնել, որ այս հուշագրի ստորագրմամբ շատ կարևոր համագործակցության սկիզբ է դրվելու և թեստավորման, հարցազրույցների արդյունքում լավագույն ուսանողներին ապահովելու է աշխատանքով՝ թե՛ Կենտրոնում, և թե՛ գործընկեր կազմակերպություններում:

Հուշագրի շրջանակներում նախատեսվում է կազմակերպել հանդիպումներ տարբեր պետական մարմինների հետ, ինչպես նաև ուսումնամեթոդական նյութերի համատեղ հրատարակումեր: