Երկար դադարից հետո «Հայաստանի Հանրապետության փորձագիտական կենտրոն» ՊՈԱԿ-ը վերսկսել է մանրաթելերի և գործվածքների փորձաքննությունը
Տևական դադարից հետո Փորձագիտական կենտրոնի Կենսաբանական և թմրամիջոցների քրեագիտական փորձաքննությունների բաժինը սկսել է իրականացնել մանրաթելերի և գործվածքների որակական և բաղադրության քանակական փորձաքննություն:
Հետազոտման օբյեկտ կարող են լինել՝
- առանձին տեքստիլային թելեր և թելեր տեխնիկական օգտագործման համար,
- թելային արտադրանքներ, մանվածքներ, կարի թելեր, կտորներ, տրիկոտաժ,
- կտորից և տրիկոտաժից արտադրանքներ, կենցաղային օգտագործման համար առարկաներ (սպիտակեղեն, գորգեր), դրանց մասեր,
- քուղեր, պարաններ և այլ հյուսած և գործված ապրանքներ, դրանց մասեր,
- թելերով շերտանստած առարկաներ (շորի մնացորդներ, տրանսպորտային միջոցներ, արգելքներ, վնասվածքներ, զենքեր),
- շորերի և թելային բնույթ ունեցող առարկաների այրված մնացորդներ:
Հետազոտման խնդիրները՝
- տեքստիլային թելերի մասնիկների, թելերի, կտորների, տրիկոտաժների և այլ թելային բնույթ ունեցող մասնիկների մասնավոր և ընդհանուր խմբային պատկանելության պարզումը,
- կրիչ առարկաների վրա առկա մանր թելային մասնիկների տեղադրության հայտնաբերումը,
- կոնտակտային փոխազդեցության փաստի արձանագրումը տեքստիլային թելիկների միկրոհետքերով և տարբեր շերտանստումներով,
- թելիկների առանձնացման մեխանիզմի պարզումը, շորի և հանցագործության զենքի, կամ շորի և տրանսպորտային փոխադրամիջոցների կոնտակտային փոխազդեցության որոշումը,
- վառված շորերի կամ թելային այլ օբյեկտների սկզբնական տեսքի որոշումը,
- կտորի մասի որոշակի օբյեկտին պատկանելության որոշումը,
- թելային գործվածքների պատրաստման եղանակների որոշումը (գործարանային, տնայնագործական),
- թելային գործվածքների առաջացման ընդհանուր աղբյուրի պարզումը: